الصداقه والمصلحه

السكوت احيان مايدفعك يمكن للامام

والكلام احيان مايجلب نتيجه مربحه



والقناعه كنزلايفنى ولافيها كلام

والطمع مايخدم الطماع يمكن يذبحه



والسكوت من الذهب ماخوذمن باب السلام

قالها من قالها لكن حكمه ناجحه



وانا اول من يطبقها ومرفوع المقام

بالرغم اني ملسن لانويت الشرشحه



لكن هذي قاعده عندي لتطبيق النظام

ماتنقص هيبتي تطبيق حسب اللايحه



احترامك للبشريعطيك هيبه واحترام

وش الافضل تشتم الانسان والاتمدحه



يابني ادم نصيحه قبل تنوي للمنام

لاتشيل الغيظ في صدرك وخاطرك اشرحه



من يحبك اعتبر حبه على صدرك وسام

من كرهك اتركه والا قول الله يسمحه



انت ميت يابني ادم ولله الدوام

ذكرك الطيب بيبقى حي طيبك يقدحه



والله ان الطيب في عيني سند ظهروحزام

واللسان حصان لاصنته بيحفظ مطرحه



قالها اللي يعرف الدندون من راعي الملام

يعتلي في قمه الامجاد من غير اجنحه



لو كثير الاصدقاء وده بفرقه وانقسام

قلبي ابيض والصديق اموت قدم اجرحه



حتى لو قلبي يحرضني على اولادالحرام

ويكدر جوي الصافي ويرمي المسبحه



ويقلي شفت فعل اصحابك الناس العظام

والامان اللي لمن مايستحقه تمنحه



شفت وشلون اصدقاك اللي لهم عندك مقام

يقفلون اسماعهم عن كل صوت(ن)تصدحه



قلتله ياقلب ماهوشرط يعطوني اهتمام

لاتلوم الاصدقاء عدل خطاهم ومسحه



وانت عندك حق لاتهتم في مسك الختام

اصدقاء هالوقت ميالين مثل المرجحه



بس واحد فالميه صحبه موده وانسجام

وتسعه وتسعين فالميه صداقه مصلحه

فريد احمد صالح كتب:

مشكور الف شكر يا الحبيب المسافر انت داهية والله مواضيعك كلها عسل 
الله لا يحرمنا من مواضيعك الجميلة 
اشكرك من كل قلبي

اشكرك الف شكر علا المرور الاكثر من رايع انت تميز الموضوع بردودك
تقبل احترامي وتقديري لك

امنابالله الهدايه في الموضيع (جزاك الله خيرا